Sunday, April 05, 2009
FARID .... ketemu " I DREAM OF JEANNIE "
Alkiseh, FARID masih juge luntang-lantung sehabis PHK. Di kampung, name bang FARID udah ditambah embel-embel ‘jadur’. Alias jadi pengangguran. Ape boleh buat kate koran ekonomi lagi resesi. Dan nyari kerje emang suseh banget. Jadi FARID belaga pakansi deh. Istirahet panjang.
Atu hari FARID udah ngak betah celingak celinguk di rumah. Akhirnye die minjem pancingan kong Talip, FARID berangkat ke Cengkareng mau mancing. Pikir FARID kali aje dapet lele gede, lumayan buat makan nanti malem. Dipojok rawa Cengkareng akhirnya FARID nongkrong mancing sembari ngepul rokok kretek. Abis 3 batang rokok, tuh lele belum nongol juge. FARID udeh mulai rungsing. Dan gelisah ngak sabar.
Nah, pas batang rokok ke 7, tibe-tibe langit gelap, ditutup awan. Ajaibnya pancingan FARID bergeter seperti ade ikan gede. Sembari deg-deg-an, FARID ngebetot tali pancingan. Rasanye sih berat banget. FARID mulai girang, jangan-jangan dapet lele 2 kilo. Abis susah payeh, dia betot tuh pancingan, … eh…. Nyang muncul bukan ikan, tapi botol rongsok-an. Hati FARID langsung mengkeret kayak celana jin abis dicuci. Mulanye FARID kesel, mau dibuang lagi tuh botol. Tapi tibe-tibe FARID inget pilem “I dream of Jeannie” di teve. Hati si FARID ganti irame, ngak ded-deg-an lagi, tapi deg-deg-plas, dan iramenye cepet banget kayak sepur Manggarai. Pelan-pelan tutup botol di buka FARID. Rupanye bener, tibe-tibe keluar asep dan … wuss…. keluar tuh Jeannie persis kayak di pilem.
Hebatnya … tuh Jeannie genit banget dah, dan langsung meluk FARID sambil jingkrak-jingkrak kegirangan. FARID mulanya ciut juge, pan bahasa Inggris die ngak becus, ape jadinye kalu nih Jeannie cume bisa bahasa Inggris doang. FARID baru lega dan nyengar-nyengir, ketika tuh Jeannie berkoar, “ … duh makasih banget bang FARID, aye udah dibebasken dari kutukan sang botol”. Rupenye tuh Jeannie fasih bahasa Betawi juge. Terus FARID inget dongeng-dongen tentang jin, dan die ngomong, “Mpok Jeannie, ngomong-ngomong aye dikasih hadieh ngak nih ?”
Tuh Jeannie menjawab genit dan manja, “Udeh pasti dong. Bang FARID aye kasih hadiah 2 permintaan. Bang FARID boleh minte ape aje deh.” FARID cemberut, “Kok due sih. Biasenye dalam dongeng-dongeng ade 3 permintaan.” “Iye kalu due permintaan aman bang. Kalu permintaan pertama abang ngak suka, permintaan kedua bise dipake untuk ngoreksi. Tapi kalu tige, ntar abang FARID ngak suke ame permintaan ketige, ngak bisa tuh dikoreksi, gimane ?” FARID nyengir lagi, “Mpok kalu soal ginian, aye sudah siap sejak lahir. Aye punye 3 permintaan yang dijamin aman.” Akhirnye sang Jeannie nyereh juge, “Oke deh bang. Aye kasih bonus jadi 3 pertanyaan”.
Terus FARID berbisik di kuping Jeannie, “Nyang pertame, aye minte jadi orang nyang paling kaye di dunie. Ngak perneh kehabisan duit, dan harte nyang berlimpeh”. Jeannie tersenyum-senyum, lalu matenye berkedip, dan ‘puff’, FARID langsung berubeh, jam tangan-nye langsung jadi jam tangan emas berlian. Bajunye sutera. Dan sepatunya kulit buaye. FARID girang bukan main. Terus die minte permintaan kedue. “Aye minte mobil nyang paling mewah dan mahal”. Jeannie tersenyum, dan matanya berkedip lagi ‘puff’, langsung didepan FARID muncul mobil limousine, nyang panjang banget, dengan roda 12. FARID langsung lompat-lompat kaye kancil nafsu mau kawin. Dia girang betul. Semue permintaannye terkabul semue.
Mpok Jeannie, akhirnye nyeletuk, “bang FARID ati-ati ye sama permintaan nomer tige”. FARID dengan PD betul dia berkoar, “Jangan kuatir mpok Jeannie, yang ketige dijamin ngak meleset deh. Aye cuma pengen semua perempuan tergila-gila sama aye. Kalu ngeliat aye pasti mereka maunya nempel terus sama aye. Itu aje sih” Jeannie garuk-garuk kepale. Die binggung juge nih sama permintaan terakhir sih FARID. Semenit kemudian si Jeannie nyengir lebar kayak jalan tol. Dan ‘puff’, si FARID berubah. Ngak tanggung-tanggung, FARID berubah jadi berlian segede beduk nyang kinclong. Emang sih, semua perempuan nyang melihat berlian segede itu dijamin pasti akan tergila-gila. Cuma mana mungkin FARID menikmati keberhasilan permintaan pertama dan kedue. Jeannie tersenyum genit, karena tugasnya sudah selesai.
Tiba-tiba dari berlian segede beduk itu muncul rembesan air. Deras juge kaya ledeng. Rupanye FARID menangis sedih bukan main. Apa mau dikate, nasi sudah jadi bubur, FARID sudah berubah jadi berlian, dan tidak mungkin lagi FARID menikmati kedue permintaan-nye terdahulu.
(FARID-FARID mangkenye jadi orang jangan serakeh. Akibatnya kualat dan durhake)
Atu hari FARID udah ngak betah celingak celinguk di rumah. Akhirnye die minjem pancingan kong Talip, FARID berangkat ke Cengkareng mau mancing. Pikir FARID kali aje dapet lele gede, lumayan buat makan nanti malem. Dipojok rawa Cengkareng akhirnya FARID nongkrong mancing sembari ngepul rokok kretek. Abis 3 batang rokok, tuh lele belum nongol juge. FARID udeh mulai rungsing. Dan gelisah ngak sabar.
Nah, pas batang rokok ke 7, tibe-tibe langit gelap, ditutup awan. Ajaibnya pancingan FARID bergeter seperti ade ikan gede. Sembari deg-deg-an, FARID ngebetot tali pancingan. Rasanye sih berat banget. FARID mulai girang, jangan-jangan dapet lele 2 kilo. Abis susah payeh, dia betot tuh pancingan, … eh…. Nyang muncul bukan ikan, tapi botol rongsok-an. Hati FARID langsung mengkeret kayak celana jin abis dicuci. Mulanye FARID kesel, mau dibuang lagi tuh botol. Tapi tibe-tibe FARID inget pilem “I dream of Jeannie” di teve. Hati si FARID ganti irame, ngak ded-deg-an lagi, tapi deg-deg-plas, dan iramenye cepet banget kayak sepur Manggarai. Pelan-pelan tutup botol di buka FARID. Rupanye bener, tibe-tibe keluar asep dan … wuss…. keluar tuh Jeannie persis kayak di pilem.
Hebatnya … tuh Jeannie genit banget dah, dan langsung meluk FARID sambil jingkrak-jingkrak kegirangan. FARID mulanya ciut juge, pan bahasa Inggris die ngak becus, ape jadinye kalu nih Jeannie cume bisa bahasa Inggris doang. FARID baru lega dan nyengar-nyengir, ketika tuh Jeannie berkoar, “ … duh makasih banget bang FARID, aye udah dibebasken dari kutukan sang botol”. Rupenye tuh Jeannie fasih bahasa Betawi juge. Terus FARID inget dongeng-dongen tentang jin, dan die ngomong, “Mpok Jeannie, ngomong-ngomong aye dikasih hadieh ngak nih ?”
Tuh Jeannie menjawab genit dan manja, “Udeh pasti dong. Bang FARID aye kasih hadiah 2 permintaan. Bang FARID boleh minte ape aje deh.” FARID cemberut, “Kok due sih. Biasenye dalam dongeng-dongeng ade 3 permintaan.” “Iye kalu due permintaan aman bang. Kalu permintaan pertama abang ngak suka, permintaan kedua bise dipake untuk ngoreksi. Tapi kalu tige, ntar abang FARID ngak suke ame permintaan ketige, ngak bisa tuh dikoreksi, gimane ?” FARID nyengir lagi, “Mpok kalu soal ginian, aye sudah siap sejak lahir. Aye punye 3 permintaan yang dijamin aman.” Akhirnye sang Jeannie nyereh juge, “Oke deh bang. Aye kasih bonus jadi 3 pertanyaan”.
Terus FARID berbisik di kuping Jeannie, “Nyang pertame, aye minte jadi orang nyang paling kaye di dunie. Ngak perneh kehabisan duit, dan harte nyang berlimpeh”. Jeannie tersenyum-senyum, lalu matenye berkedip, dan ‘puff’, FARID langsung berubeh, jam tangan-nye langsung jadi jam tangan emas berlian. Bajunye sutera. Dan sepatunya kulit buaye. FARID girang bukan main. Terus die minte permintaan kedue. “Aye minte mobil nyang paling mewah dan mahal”. Jeannie tersenyum, dan matanya berkedip lagi ‘puff’, langsung didepan FARID muncul mobil limousine, nyang panjang banget, dengan roda 12. FARID langsung lompat-lompat kaye kancil nafsu mau kawin. Dia girang betul. Semue permintaannye terkabul semue.
Mpok Jeannie, akhirnye nyeletuk, “bang FARID ati-ati ye sama permintaan nomer tige”. FARID dengan PD betul dia berkoar, “Jangan kuatir mpok Jeannie, yang ketige dijamin ngak meleset deh. Aye cuma pengen semua perempuan tergila-gila sama aye. Kalu ngeliat aye pasti mereka maunya nempel terus sama aye. Itu aje sih” Jeannie garuk-garuk kepale. Die binggung juge nih sama permintaan terakhir sih FARID. Semenit kemudian si Jeannie nyengir lebar kayak jalan tol. Dan ‘puff’, si FARID berubah. Ngak tanggung-tanggung, FARID berubah jadi berlian segede beduk nyang kinclong. Emang sih, semua perempuan nyang melihat berlian segede itu dijamin pasti akan tergila-gila. Cuma mana mungkin FARID menikmati keberhasilan permintaan pertama dan kedue. Jeannie tersenyum genit, karena tugasnya sudah selesai.
Tiba-tiba dari berlian segede beduk itu muncul rembesan air. Deras juge kaya ledeng. Rupanye FARID menangis sedih bukan main. Apa mau dikate, nasi sudah jadi bubur, FARID sudah berubah jadi berlian, dan tidak mungkin lagi FARID menikmati kedue permintaan-nye terdahulu.
(FARID-FARID mangkenye jadi orang jangan serakeh. Akibatnya kualat dan durhake)
Friday, April 03, 2009
PANTES AJE ... TOHIR CENGAR CENGIR MULU
Ini dongeng berlanjut …… Konon di kampung, ade perawan bahenol nyang kinclong. Boleh di-ibarat-ken mawar mewangi nan merekah. Namenye Ipeh. Jadi jangan heran kalu jejake nyang ngantri luar biase banyaknye. Melebihi ngantri bensin. Akhirnye setelah melalui berbagai seleksi nyang luer biase ketatnya, Ipeh berhasil dipersunting ame Tohir. Anak juragan areng, nyang paling sohor seantero Pejaten.
Perkawinan Ipeh dan Tohir merieh bukan maen. Melebihi kampanye. Pake segale macem, lenong, ronggeng, layar tancep dan juge dang-dut. Mertue Ipeh, sangking bangga dan sayangnye, menghadiahkan mobil BMW seri 323 nyang paling baru dan anyar. Warne-nya gile banget - merah cabe. Bikin semue orang ngiler melihatnye.
Suatu hari Ipeh nyetir tuh BMW dijalan tol. Karene ujan, dan juge Ipeh belum mahir-mahir banget, jadi deh tuh BMW nyeruduk dan nyium truk ayam dari Kramat Djati. Ringsek abis deh BMW-nye. Dan nyang pareh Ipeh muke-nye ikut luka. Melihat situasi gawat, sang mertue mendatangkan ahli bedah plastik nyang paling sohor dari Hollywood. Nyang udeh beken bikin Michael Jackson dari kulitnye item ampe jadi putih kaye bedak pelitur.
Pas ‘ntu dokter dateng dan merikse kondisi Ipeh, ternyate Ipeh masih bisa disembuhkan asal harus cangkok kulit. Semue keluarge lega bukan maen. Tapi tuh dokter punye permintaan khusus. Die cuma mau ngomong ame Tohir. Itupun bisik-bisik. Pokoknye rahasie banget dah. Ketike die berbisik dikuping Tohir, tentang permintaan-nye itu, Tohir matenye ampir lompat keluar. Muke Tohir pucat abis. Mukenya lebih putih dari kertas koran. Seolah-olah permintaan tuh dokter mustahil deh ! Tapi ape boleh buat karene Tohir cinte mati same Ipeh, maka akhirnya Tohir manggut-manggut aje. Artinye Tohir setuju. Ape-pun permintaan tuh dokter.
6 bulan setelah perawatan, dan Ipeh diperbolehken pulang, seluruh kampung gempar. Karena Ipeh kelihatan jauh lebih cantik dan kemayu. Melebihi artis sinetron dan dang dut manapun. Ampe-ampe koran, majalah dan infotainment parkir semue di kampung meliput. Lebih heboh dari dukun anak Ponari tempo hari. Semua tamu nyang dateng terpesona dan kagum. Kulit muke Ipeh keliatan seger, putih bersih, berkilat, kinclong abis, seperti kulit bayi. Nyang gile semua orang begitu melihat Ipeh, pade gemes, mulai dari yang pengen megang, ampe nyubit dan nyium segale. Termasuk emak si Ipeh, nyang terus menerus nyiumin pipi si Ipeh setiap kali ketemu.
Anehnya, Tohir selalu menahan ketawe setiap kali emak si Ipeh nyium pipi si Ipeh. Mula-mula Ipeh merase senang-senang aje. Tapi lame-lame dia penasaran juge. Kok, lakinye si Tohir bersikap aneh begitu.
Malem hari pas mau tidur, Ipeh dan Tohir berdua-an doang di ranjang. Ipeh penasaran bertanye, “Bang, …. Kok setiap kali nyak nyium pipi aye….. Bang Tohir girang banget kayak kena lotere ?”. Tohir kaget juge ditanya begitu. “Yah, pan abang bahagie melihat Ipeh cantik dan nyak sayang sama Ipeh.” Tapi Ipeh punye firasat lain, “Ah… abang bohong deh. Pasti ade ape-apenya. Ayo dong bang aye di kasih tau rahasianye ….” kate Ipeh merajuk manja. Akhirnya Tohir ngak tahan juge, dan rahasia itu dibisikin juge kekuping Ipeh. Abis denger bisikan Tohir, muke Ipeh kelihatan kenceng dan marah banget, “buset …… abang Tohir….. pantes aje selalu cengar cengir gitu. Durhaka tau …… ” … dan ‘bak-bik-buk’ … Tohir ancur banget digebukin bertubi-tubi ame bantal dua biji.
( he…he…he…. rupanye waktu Ipeh di rumah sakit dan tuh dokter minta cangkok kulit. Die minte kulit nyang spesial banget. Yaitu kulit dari pantat si Tohir. Pantes aje Tohir menahan ketawa setiap kali nyak si Ipeh nyium pipinya. Pan, same aje nyak si Ipeh nyium pantat Tohir. ….. duh Tohir memang durhaka deh)
Perkawinan Ipeh dan Tohir merieh bukan maen. Melebihi kampanye. Pake segale macem, lenong, ronggeng, layar tancep dan juge dang-dut. Mertue Ipeh, sangking bangga dan sayangnye, menghadiahkan mobil BMW seri 323 nyang paling baru dan anyar. Warne-nya gile banget - merah cabe. Bikin semue orang ngiler melihatnye.
Suatu hari Ipeh nyetir tuh BMW dijalan tol. Karene ujan, dan juge Ipeh belum mahir-mahir banget, jadi deh tuh BMW nyeruduk dan nyium truk ayam dari Kramat Djati. Ringsek abis deh BMW-nye. Dan nyang pareh Ipeh muke-nye ikut luka. Melihat situasi gawat, sang mertue mendatangkan ahli bedah plastik nyang paling sohor dari Hollywood. Nyang udeh beken bikin Michael Jackson dari kulitnye item ampe jadi putih kaye bedak pelitur.
Pas ‘ntu dokter dateng dan merikse kondisi Ipeh, ternyate Ipeh masih bisa disembuhkan asal harus cangkok kulit. Semue keluarge lega bukan maen. Tapi tuh dokter punye permintaan khusus. Die cuma mau ngomong ame Tohir. Itupun bisik-bisik. Pokoknye rahasie banget dah. Ketike die berbisik dikuping Tohir, tentang permintaan-nye itu, Tohir matenye ampir lompat keluar. Muke Tohir pucat abis. Mukenya lebih putih dari kertas koran. Seolah-olah permintaan tuh dokter mustahil deh ! Tapi ape boleh buat karene Tohir cinte mati same Ipeh, maka akhirnya Tohir manggut-manggut aje. Artinye Tohir setuju. Ape-pun permintaan tuh dokter.
6 bulan setelah perawatan, dan Ipeh diperbolehken pulang, seluruh kampung gempar. Karena Ipeh kelihatan jauh lebih cantik dan kemayu. Melebihi artis sinetron dan dang dut manapun. Ampe-ampe koran, majalah dan infotainment parkir semue di kampung meliput. Lebih heboh dari dukun anak Ponari tempo hari. Semua tamu nyang dateng terpesona dan kagum. Kulit muke Ipeh keliatan seger, putih bersih, berkilat, kinclong abis, seperti kulit bayi. Nyang gile semua orang begitu melihat Ipeh, pade gemes, mulai dari yang pengen megang, ampe nyubit dan nyium segale. Termasuk emak si Ipeh, nyang terus menerus nyiumin pipi si Ipeh setiap kali ketemu.
Anehnya, Tohir selalu menahan ketawe setiap kali emak si Ipeh nyium pipi si Ipeh. Mula-mula Ipeh merase senang-senang aje. Tapi lame-lame dia penasaran juge. Kok, lakinye si Tohir bersikap aneh begitu.
Malem hari pas mau tidur, Ipeh dan Tohir berdua-an doang di ranjang. Ipeh penasaran bertanye, “Bang, …. Kok setiap kali nyak nyium pipi aye….. Bang Tohir girang banget kayak kena lotere ?”. Tohir kaget juge ditanya begitu. “Yah, pan abang bahagie melihat Ipeh cantik dan nyak sayang sama Ipeh.” Tapi Ipeh punye firasat lain, “Ah… abang bohong deh. Pasti ade ape-apenya. Ayo dong bang aye di kasih tau rahasianye ….” kate Ipeh merajuk manja. Akhirnya Tohir ngak tahan juge, dan rahasia itu dibisikin juge kekuping Ipeh. Abis denger bisikan Tohir, muke Ipeh kelihatan kenceng dan marah banget, “buset …… abang Tohir….. pantes aje selalu cengar cengir gitu. Durhaka tau …… ” … dan ‘bak-bik-buk’ … Tohir ancur banget digebukin bertubi-tubi ame bantal dua biji.
( he…he…he…. rupanye waktu Ipeh di rumah sakit dan tuh dokter minta cangkok kulit. Die minte kulit nyang spesial banget. Yaitu kulit dari pantat si Tohir. Pantes aje Tohir menahan ketawa setiap kali nyak si Ipeh nyium pipinya. Pan, same aje nyak si Ipeh nyium pantat Tohir. ….. duh Tohir memang durhaka deh)
Thursday, April 02, 2009
KONG TALIP ... KORBAN DESPERATE HOUSEWIVES
Ini dongeng punye cerite ….. Gare-gare sinetron “DESPERATE HOUSEWIVES”, kampung kong Talip heboh. Mulai dari perawan, sampe nenek-nenek semuenye getol nonton tuh sinetron tentang tetangge nyang pada rese. Sinetron itu berase pas, mungkin karene ceritenye juga menyentuh kehidupan di kampung kong Talip, dimane tetangge saling gosip dan rese bersama-an.
Suatu hari, pas kong Talip lagi duduk bengong sembari nyeruput kopi tubruk. Bini-nye tiba-tiba dateng mesra nge-gelendot sama kong Talip. Langsung deh, kong Talip sewot. Die paham betul ame laga lagu bini-nye. Pasti ade mau-nye deh ! “Bang…….” mesra banget bininya kong Talip merajuk. Suarenye mirip cucakrawe pengen merindukan bulan. Kong Talip cuma monyong doang bibirnya. “Abang …. kan sayang dan cinte ye sama aye … ye?” lanjut bini kong Talip persis seperti di film “DESPERATE HOUSEWIVES”. Kong Talip mulai jaga-jaga, serangan semakin serius, “Yah, sayang dong…. Kalu ngak masa cucu kite udah sampe selusin gitu ?”. Bini kong Talip nyengir, karena jebakan-nya mulai kena. “Abang tau kan….. minggu depan ulang tahun aye….” “Emang kenape ? Pengen manggil lenong ?” kong Talip mulai sesek nafas. “Ngak sih, … aye cuma pengen kado spesial aje” “Ape tuh ? Gue ngak ngarti deh !” kong Talip ngeles dan belaga pilon. Bini kong Talip nyengir semakin gede, terus berbisik ditelinga kong Talip. Abis dibisikin kong Talip melotot, “Gile …… Buset lu ngak sadar ape ? Ngaca dong ? Elu udah nenek-nenek ” suare kong Talip semakin tinggi, kayak klakson Kopaja. Bini kong Talip langsung cemberut dan ngancem, “Bodo…. Pokoknye kalu aye ….. ngak dibeli-in, aye mogok masak” dan angkat badan meninggalkan kong Talip. Diancem gitu kong Talip atinye ciut juge.
Rupe-nye bini kong Talip, saking nge-fans-nye same “DESPERATE HOUSEWIVES” minte dibeli-in BH yang ade renda-renda-nya persis seperti nyang die liat di film. Terpakse deh besoknya kong Talip pergi juge ke Senayan nyari tuh BH pesenan bininya. Celakanya die ngak pernah beli gituan. Bingung dan pusing bukan maen. Kakinya gemeter sejak dari Busway.
Pas udah nyampe di toko, kong Talip bingung banget. Bukan kakinya aje nyang gemeter, bibir ame matenya juga ikut gemeter. Nah, tuh toko jualan BH sampe seabrek-abrek banyaknya. Kong Talip jelas bingung milihnya. Lagi kong Talip celingak celinguk kebingungan, tiba-tiba ade suare merdu banget menyape, “Babe kok bingung seh ….. pengen nyari ape, beh ?” seorang perempuan cantik dan bahenol menyape kong Talip. Kong Talip nyengir-nyengir kaye kude mau sikat gigi. Terus saking malunye, kong Talip berbisik di kuping sang SPG nyang cantik itu. Sang SPG sempet kaget juge denger bisikan kong Talip. Tapi die terus tersenyum dan mengajak kong Talip kebagian BH nyang semuanye pake renda-renda. Kong Talip makin bingung ngak tau harus beli nyang mane ? Saking banyak-nye. Terus tuh SPG dengan suara manja dan genit, bilang “Babe tau ngak ukuran-nye ?” Kong Talip nyengir lagi dan geleng-geleng. Tapi rupanye sang SPG sudah sangat pengalaman. Sambil senyum manis banget, dia bilang, “Babe kire-kire ye. Apa ukurannya kayak jeruk bali ?” Kong Talip geleng-geleng kayak komidi puter. “Ape segede apel malang ?” Kong Talip masih menggeleng. Binggung juga nih SPG, “Gimane kalu segede jeruk Sunkist ?” Masih juga kong Talip menggeleng. “Mungkin…… segede telor bebek ?” Kong Talip terlihat girang, dan sumringah, dia manggut-manggut tanda setuju. Sang SPG girang juge, karena akhirnya ukurannya ketemu.
Pas sang SPG mau milih BH yang sesuai ukuran, tiba-tiba kong Talip berbisik lagi, “Tapi,….. mpok…. telor bebeknya didadar ye !” Sang SPG kaget bukan main, dan mukenya pucet ngak tau mesti ngomong ape.
Suatu hari, pas kong Talip lagi duduk bengong sembari nyeruput kopi tubruk. Bini-nye tiba-tiba dateng mesra nge-gelendot sama kong Talip. Langsung deh, kong Talip sewot. Die paham betul ame laga lagu bini-nye. Pasti ade mau-nye deh ! “Bang…….” mesra banget bininya kong Talip merajuk. Suarenye mirip cucakrawe pengen merindukan bulan. Kong Talip cuma monyong doang bibirnya. “Abang …. kan sayang dan cinte ye sama aye … ye?” lanjut bini kong Talip persis seperti di film “DESPERATE HOUSEWIVES”. Kong Talip mulai jaga-jaga, serangan semakin serius, “Yah, sayang dong…. Kalu ngak masa cucu kite udah sampe selusin gitu ?”. Bini kong Talip nyengir, karena jebakan-nya mulai kena. “Abang tau kan….. minggu depan ulang tahun aye….” “Emang kenape ? Pengen manggil lenong ?” kong Talip mulai sesek nafas. “Ngak sih, … aye cuma pengen kado spesial aje” “Ape tuh ? Gue ngak ngarti deh !” kong Talip ngeles dan belaga pilon. Bini kong Talip nyengir semakin gede, terus berbisik ditelinga kong Talip. Abis dibisikin kong Talip melotot, “Gile …… Buset lu ngak sadar ape ? Ngaca dong ? Elu udah nenek-nenek ” suare kong Talip semakin tinggi, kayak klakson Kopaja. Bini kong Talip langsung cemberut dan ngancem, “Bodo…. Pokoknye kalu aye ….. ngak dibeli-in, aye mogok masak” dan angkat badan meninggalkan kong Talip. Diancem gitu kong Talip atinye ciut juge.
Rupe-nye bini kong Talip, saking nge-fans-nye same “DESPERATE HOUSEWIVES” minte dibeli-in BH yang ade renda-renda-nya persis seperti nyang die liat di film. Terpakse deh besoknya kong Talip pergi juge ke Senayan nyari tuh BH pesenan bininya. Celakanya die ngak pernah beli gituan. Bingung dan pusing bukan maen. Kakinya gemeter sejak dari Busway.
Pas udah nyampe di toko, kong Talip bingung banget. Bukan kakinya aje nyang gemeter, bibir ame matenya juga ikut gemeter. Nah, tuh toko jualan BH sampe seabrek-abrek banyaknya. Kong Talip jelas bingung milihnya. Lagi kong Talip celingak celinguk kebingungan, tiba-tiba ade suare merdu banget menyape, “Babe kok bingung seh ….. pengen nyari ape, beh ?” seorang perempuan cantik dan bahenol menyape kong Talip. Kong Talip nyengir-nyengir kaye kude mau sikat gigi. Terus saking malunye, kong Talip berbisik di kuping sang SPG nyang cantik itu. Sang SPG sempet kaget juge denger bisikan kong Talip. Tapi die terus tersenyum dan mengajak kong Talip kebagian BH nyang semuanye pake renda-renda. Kong Talip makin bingung ngak tau harus beli nyang mane ? Saking banyak-nye. Terus tuh SPG dengan suara manja dan genit, bilang “Babe tau ngak ukuran-nye ?” Kong Talip nyengir lagi dan geleng-geleng. Tapi rupanye sang SPG sudah sangat pengalaman. Sambil senyum manis banget, dia bilang, “Babe kire-kire ye. Apa ukurannya kayak jeruk bali ?” Kong Talip geleng-geleng kayak komidi puter. “Ape segede apel malang ?” Kong Talip masih menggeleng. Binggung juga nih SPG, “Gimane kalu segede jeruk Sunkist ?” Masih juga kong Talip menggeleng. “Mungkin…… segede telor bebek ?” Kong Talip terlihat girang, dan sumringah, dia manggut-manggut tanda setuju. Sang SPG girang juge, karena akhirnya ukurannya ketemu.
Pas sang SPG mau milih BH yang sesuai ukuran, tiba-tiba kong Talip berbisik lagi, “Tapi,….. mpok…. telor bebeknya didadar ye !” Sang SPG kaget bukan main, dan mukenya pucet ngak tau mesti ngomong ape.
Wednesday, April 01, 2009
FARID BERTANYA ..... "EMANG TUHAN ITU ADE ??"
Ini dongeng punye cerite …… Alkiseh, suatu hari si FARID uring-uringan. Muke-nye manyun kaya kue mangkok terbalik dan kehabisan kelape parutan. Kata emaknya si FARID, sih dia baru apes kena di PHK ditempatnye jadi satpam. Di perusahaan itu emang lagi runyam. Ade program pengurangan pegawai. Maklum kate koran ekonomi lagi resesi.
Lagi luntang-lantung gitu, akhirnya kong Talip ngak tega. Dipanggil-lah si FARID sembari di ajek ngupi. Kong Talip sembari nyender di kursi, ngerokok kretek, asyik banget, “Kenape lu, Rid ? Kaya bongsang kena angin puyuh. Melayang ngak ade juntrungan-nye” FARID sambil menghela nafas, mengeluh, “Aye, mau protes sama Tuhan, kong. Dia ngak adil. Mase nasib aye dibikin jelek begini. Jangan-jangan Tuhan tuh ngak ade !!!!”
Kong Talip langsung mendelik, dan “keeepllloooook”, pipi si FARID nyang manyun ditabok kong Talip. FARID kaget setengah mati. “Duh, kong…. Jangan marah gitu dong. Masa aye ditabok sampe sakit begini” Sembari nunjuk jidat si FARID, kong Talip berkoar, “Berasa sakit-kan loe ?” FARID sembari megangin pipinya, protes, “Yah…. sakit kong. Naboknya kenceng banget dah. Emang aye salah ape sih ?”
Kong Talip, menghela nafas panjang sembari batuk-batuk dikit. “Rid, kalu elu berase sakit. Coba elu gambarkan ame gue wujud rase sakit itu” FARID balik keheranan. “Kong Talip, mabok tembako yeeeeh. Rasa sakit mane bisa aye gambarin wujudnya. Cuma bisa dirasakan, kong. Sakit !!!”. Kong Talip sembari senyum die ngomong : “Sama tuh FARID, ….. Tuhan itu juge ngak bisa elu pertanyakan wujudnya. Tapi kalu iman elu kuat, maka Tuhan bisa elu rasakan ada didalem dada elu. Mangkenya jangan sekali-kali mempertanyakan keberadaan Tuhan. Artinya iman elu tipis.” Mendengar penjelasan itu FARID cuma manggut-manggut tanda die mulai eling.
Lanjut Kong Talip, “Elu juge ngak nyangka-kan bakalan gue tabok ?” FARID sembari nyengir-ngyengir bajing membalas, “Yah, enggak lah kong. Aye mah pikir bakalan dikasih duit. Eh… taunya malah ditabok kong Talip.” Sembari ngakak kong Talip ngerogoh dompet dan die kasih si FARID “cepe-ceng” alias seratus ribu rupiah. “FARID….FARID, kalu iman elu kuat dan elu eling, pasti elu bakalan ngak bisa gue tabok. Elu pasti sempat menghindar. Tuhan, tuh ngak pernah memberikan kita nasib nyang jelek. Die maha penyayang dan pengasih. Kite selalu dikasih kesempatan yang cukup. Cuma kadang elu ngak eling dan ngak siap. Semua kesempatan itu selalu hilang begitu saja.”
FARID cuma bisa mengangguk-angguk kaya beo. Ngak disangka dibalik tabokan kong Talip yang sakit itu - ade pelajaran maut yang sungguh manjur buat kehidupan.
Lagi luntang-lantung gitu, akhirnya kong Talip ngak tega. Dipanggil-lah si FARID sembari di ajek ngupi. Kong Talip sembari nyender di kursi, ngerokok kretek, asyik banget, “Kenape lu, Rid ? Kaya bongsang kena angin puyuh. Melayang ngak ade juntrungan-nye” FARID sambil menghela nafas, mengeluh, “Aye, mau protes sama Tuhan, kong. Dia ngak adil. Mase nasib aye dibikin jelek begini. Jangan-jangan Tuhan tuh ngak ade !!!!”
Kong Talip langsung mendelik, dan “keeepllloooook”, pipi si FARID nyang manyun ditabok kong Talip. FARID kaget setengah mati. “Duh, kong…. Jangan marah gitu dong. Masa aye ditabok sampe sakit begini” Sembari nunjuk jidat si FARID, kong Talip berkoar, “Berasa sakit-kan loe ?” FARID sembari megangin pipinya, protes, “Yah…. sakit kong. Naboknya kenceng banget dah. Emang aye salah ape sih ?”
Kong Talip, menghela nafas panjang sembari batuk-batuk dikit. “Rid, kalu elu berase sakit. Coba elu gambarkan ame gue wujud rase sakit itu” FARID balik keheranan. “Kong Talip, mabok tembako yeeeeh. Rasa sakit mane bisa aye gambarin wujudnya. Cuma bisa dirasakan, kong. Sakit !!!”. Kong Talip sembari senyum die ngomong : “Sama tuh FARID, ….. Tuhan itu juge ngak bisa elu pertanyakan wujudnya. Tapi kalu iman elu kuat, maka Tuhan bisa elu rasakan ada didalem dada elu. Mangkenya jangan sekali-kali mempertanyakan keberadaan Tuhan. Artinya iman elu tipis.” Mendengar penjelasan itu FARID cuma manggut-manggut tanda die mulai eling.
Lanjut Kong Talip, “Elu juge ngak nyangka-kan bakalan gue tabok ?” FARID sembari nyengir-ngyengir bajing membalas, “Yah, enggak lah kong. Aye mah pikir bakalan dikasih duit. Eh… taunya malah ditabok kong Talip.” Sembari ngakak kong Talip ngerogoh dompet dan die kasih si FARID “cepe-ceng” alias seratus ribu rupiah. “FARID….FARID, kalu iman elu kuat dan elu eling, pasti elu bakalan ngak bisa gue tabok. Elu pasti sempat menghindar. Tuhan, tuh ngak pernah memberikan kita nasib nyang jelek. Die maha penyayang dan pengasih. Kite selalu dikasih kesempatan yang cukup. Cuma kadang elu ngak eling dan ngak siap. Semua kesempatan itu selalu hilang begitu saja.”
FARID cuma bisa mengangguk-angguk kaya beo. Ngak disangka dibalik tabokan kong Talip yang sakit itu - ade pelajaran maut yang sungguh manjur buat kehidupan.
Subscribe to:
Posts (Atom)