JAIL BANGET SIH ....... SEMUA PRIA DILAHIRKAN DENGAN KAMAMPUAN AUTO FOCUS

Hua....ha....ha.....ha.....ha......

Ternyata semua pria dilahirkan dengan kemampuan AUTO FOCUS

Apapun posisi dan sudutnya..... kalau ada kesempatan tetap melirik !!!!

NGIKIK ALA BETAWI ..... MPOK IPEH KETAUA-AN BO'ONG

Tempo ari, waktu Tohir ke Las Vegas, die liat pameran robot. Dan ade atu robot, nyang rade unik. Robot ini anti bo’ong. Pokoknye orang bo’ong, tuh robot pasti atu deh. Ngak bakal lolos. Jadi biarpun mahal, ama Tohir dibeli juge tuh robot.

Pas nyampe Jakarte, Tohir girang banget. Die udeh ngak sabar pengen nyoba kesaktian tuh robot. Pas magrib anak lelakinye pulang. Tohir belaga garang. Terus anak lelakinye die hardik : “Buset luh, Jon, gini hari baru pulang. Abis dari mane lu ?” Joni nyang tau kartu babeh-nye ngak mempan digertak, dan nyaut asal aje “ Abis belajer beh, dirumah Susi.”

Tiba-tiba “geeeleeepooook” pipi kanan Joni di tampar robot. Tohir senyum-senyum, “Bo’ong luh Jon. Ayo ngaku sebelum digampar lagi ame nih robot.” Joni mengkeret, terus gemeter dia jawab, “Joni ke Mall, beh…..” Lagi-lagi “geeeelllleeeepppoook” pipi kiri Joni ditampar Robot. Giliran Tohir nyang ketawe terbahak-bahak. “Akhhh…. Bo’ong lagi luh Jon. Ayo jangan bo’ong ! Jawab nyang jujur.” Joni gemeter dan sembari menunduk, die jawab suaranye pelan, “Nonton pilem porno beh. Dirumah bang Farid …..” Baru deh tuh robot diem. Artinye Joni ngak bohong lagi.

Mpok Ipeh, nyang denger suare “geeelllleeeeppppokkk” berkali-kali dari dapur, akhirnye keluar juge. Saking penasaran-nye. Mpok Ipeh kaget banget, liat muke Joni kiri kanan merah abis digampar orang. Tegangan tinggi Mpok Ipeh langsung deh nyamber, sembari die jewer kuping Tohir, “Wah, emang bener gile luh Tohir ! Anak semata wayang elu gampar kiri kanan”, Tohir meringis saking kesakitan. “Jelek-jelek begini, si Joni kan anak elu sendiri, masa sih elu gampar ?” Mpok Ipeh suaranya tinggi keawan.

Tiba-tiba aje tuh robot kage pake peringatan, nabok Mpok Ipeh “geeelllleeeepppppooook”. Mpok Ipeh ampe kejengkang jatuh. Tohir kaget setengah mati. Nah, lu …. Mpok Ipeh ketauan bo’ong. ( Lha, Joni kalu gitu anak siape ? …… he…he…he… )

JAIL BANGET SIH ....... BECANDA AME BUAYA BENERAN

Di Darwin, AUSTRALIA baru diresmikan sebuah taman rekreasi.
Namenye CROCSAURUS COVE.

Disane disediaken kolam dengan buaya-buaya ganas.
Dan pengunjung bisa nyemplung kekolam itu untuk becanda dengan buaya beneran.
Gedhe-gedhe lagi .....

Tentu saja antara anda dan buaye di batasi kaca acryclic yang sangat tebal.
itupun anda cuma bisa bercanda selama 15 menit.

Lebih lama waktunya .... pasti berbahaya dan bisa runyam.

Sebuah rekreasi yang tentunya hanya diperuntuk-kan bagi mereka nyang punya nyali.

(he....he....he....he......)

FILM YANG KUDU KITE NONTON !!!

BAYI SPIDERMAN

KALAU TOHIR SALAH TULIS .....

Ceritenye …. Alkisah suatu ari, di kantor Farid ada cewe ngak sengaje ball-point-nye nyemplung di printer dan bikin printer macet. Neh, karena tuh cewe rada genit, die minte tolong si Tohir untuk ambil tuh ball-point. Tohir kena rayu dan akhirnye die nyoba nolongin. Dan berusaha ngambil tuh ball-point. Pas lagi asyik kutak kutik. Eh, Farid ngajak makan soto kambing. “Udeh, tinggal aje dulu – ‘Ntar abis makan baru elu betulin lagi tuh printer”, gitu kate Farid. Tohir akhirnye ngalah, karena perutnye udeh lumayan keroncongan juge. Supaye tuh printer ngak dipake orang, Tohir meninggalkan catetan. Cuma saking sok-nya di nulis pake bahasa Inggris. (tau sendiri deh akibatnye……)

Pas pulang makan makan Farid ame Tohir kaget, karena orang sekantor pada senyum-senyum dan ketawa-ketawa sendiri. Koq…. Heboh banget. Selidik punye selidik, rupanya Tohir nulis pake bahasa Inggris buru-buru. Akibatnya …… (liat aje deh sendiri)

Tohir - Tohir .... ancur abis … (buset dah)